Rəqəmsal inkişaf və nəqliyyat naziri Rəşad Nəbiyev “Andersen Lab” qlobal İT şirkətinin Azərbaycandakı rəsmi mərkəzinin açılışında iştirak edib.

Turaztv.az AZƏRTAC-a istinadən xəbər verir ki, “Andersen Lab” şirkətinin işə götürdüyü gənclərlə görüş zamanı onların bilik və bacarıqlarının real layihələrdə tətbiqi imkanları barədə fikir mübadiləsi aparılıb.

Tədbirdə bildirilib ki, yeni mərkəz ölkəmizin İKT potensialının inkişafına dəstək verəcək, gənclərin beynəlxalq layihələrdə iştirakını genişləndirəcək və rəqəmsal xidmətlərin ixracına töhfə verəcək.