“Telegram” messencerinin həmtəsisçisi Pavel Durov bir il əvvəl Fransada baş vermiş həbsi hüquq-mühafizə orqanlarının səhvi kimi dəyərləndirib.

"Turaztv.az" "Unikal" -a istinadən xəbər verir ki, Durov bu barədə ingilis dilində “Telegram” kanalında paylaşım edib.


“İroni ondadır ki, mən Fransa polisinin öz səhvi ucbatından həbs olundum: 2024-cü ilin avqustuna qədər onlar Fransa və Aİ qanunlarını nəzərə almadılar və tələb olunan hüquqi prosedur vasitəsilə öz tələblərini “Telegram”a təqdim etmədilər”, – deyə o bildirib.

Onun sözlərinə görə, bir ildən sonra aparılan istintaq nə Durovun, nə də “Telegram”ın günahını üzə çıxara bilib: “Bizim moderasiya təcrübələrimiz sənaye standartlarına uyğundur və “Telegram” həmişə Fransadan gələn bütün qanuni tələblərə cavab verib”.

Durov əlavə edib ki, həbsinin yeganə nəticəsi Fransanın “azad ölkə” imicinə ciddi ziyan vurması olub. O həmçinin qeyd edib ki, hələ də hər 14 gündən bir Fransaya qayıtmağa məcburdur və apellyasiya gününün təyin edilməsini gözləyir.