Xəbərlər
13.08.2025, 12:43
Xırdalan, Qaraçuxur və Maştağada oğurluq edən şəxslər saxlanılıblar
Daxili İşlər Nazirliyinin mətbuat xidmətindən AZƏRTAC-a verilən məlumata görə, naməlum şəxslər Xırdalan şəhərində yerləşən marketlərin birindən 544 manat oğurlayıblar.
Polis əməkdaşlarının keçirdikləri əməliyyat-axtarış tədbiri ilə əməli törətməkdə şübhəli bilinən 40 yaşlı İ. Qədirov və 42 yaşlı E. Axundov müəyyən olunaraq saxlanılıblar.
Suraxanı rayonunun Qaraçuxur qəsəbə sakini isə polisə müraciət edərək evindən 2 min 400 manat dəyərində qızıl-zinət əşyasının talandığını bildirib. Suraxanı Rayon Polis İdarəsinin 32-ci Polis Bölməsinin əməkdaşları tərəfindən həyata keçirilən əməliyyat-axtarış tədbiri ilə cinayət əməlini törətməkdə şübhəli bilinən 33 yaşlı Ş.Rüstəmov saxlanılıb.
Paytaxtın Sabunçu rayonunun Maştağa qəsəbəsində yerləşən evlərin birindən isə 6 min manat oğurlanıb. Bu barədə zərərçəkən polisə məlumat verib.
Sabunçu Rayon Polis İdarəsinin 14-cü polis şöbəsinin əməkdaşları tərəfindən keçirilən tədbirlə talama cinayətini törətməkdə şübhəli bilinən 37 yaşlı Ş.Hüseynova müəyyən olunaraq saxlanılıb.
Hər üç faktla bağlı araşdırma aparılır.
Son xəbərlər
Ən çox oxunanlar
- Bu gün
- Bu həftə
- Bu ay
