Teleqram mesencerə şantaj xarakterli məlumat göndərən fırldaqçı kanalları bloklayıb.

"Turaztv.az" “Qafqazinfo” -ya istinadən xəbər verir ki, bu barədə Teleqramın təsisçisi Pavel Durov bildirib.

O, deyib ki, bu həftə Teleqram doksinq (şəxsi məlumatların sahibinin razılığı olmadan toplanması və dərc edilməsi) və şantajla məşğul olan bir çox kanalları bloklayıb.

“Bu bloklama o deməkdir ki, bizdə həmin kanal administratorlarının böhtan xarakterli yazılar dərc etdiyi, sonra isə zərərçəkənlərdən pul müqabilində onları sildiyinə dair təkzibedilməz sübutlar var. Teleqram doksinq və şantaj yeri deyil”,-deyə Durov vurğulayıb.

O, şantaj məqsədilə yaradılan teleqram kanallarının klonlarını yaratmağın da fırıldaqçıların işinə yaramayacağını, belə kanalların dərhal tapılaraq bloklanacağını söyləyib.