Azərbaycanın ATƏT-dəki nümayəndə heyəti etiraz bəyanatı yayıb.

"Turaztv.az" “Qafqazinfo”-ya istinadən xəbər verir ki, bu barədə Azərbaycanın Vyanadakı səfiri Rövşən Sadıqbəyli öz sosial şəbəkə hesabında yazıb.

Azərbaycan nümayəndə heyətinin bəyanatında qeyd olunub ki, ATƏT-in fəaliyyətsizliyi fonunda Azərbaycan öz suverenliyini və ərazi bütövlüyünü bərpa etməli olub:

“ATƏT münaqişənin həlli ilə bağlı mandatını yerinə yetirmək missiyasını həyata keçirməsə də, Azərbaycan ədaləti və öz ərazi bötüövlüyünü bərpa edərək Cənubi Qafqaz regionunda sülh və sabitlik üçün tarixi fürsət yaratdı”.

Xatırladaq ki, Helsinki Yekun Aktının 50-ci ildönümünü qeyd edən ATƏT sədrliyi qurumun prinsiplərinin qüvvədə qaldığını və ATƏT-in regionunda təhlükəsizlik və sabitliyin əsasını təşkil etməli olduğunu bir daha vurğulayıb.