Amerikalı milyarder Ceff Bezos və sevgilisi Lauren Sançezin toyudur.

“Qafqazinfo” xarici KİV-ə istinadən xəbər verir ki, cütlük toy üçün Venesiyaya yollanıb.

3 gün, 3 gecə davam edəcək 20 milyon dollarlıq toyda iştirak etmək üçün dünyaca məşhur simalar da İtaliyadadır.

Qonaqlar arasında ABŞ prezidenti Donald Trampın qızı İvanka Tramp və əri Cared Kuşner, Kim Kardaşyan və bacısı Kloe Kardaşyan, teleaparıcı Opra Uinfri, Ketti Perri ilə yollarını ayıran Orlando Blum, İordaniya kraliçası Rania əl-Abdullah da var.

Ceff Bezosun Venesiyanın mərkəzindəki ən böyük və görkəmli binalardan biri olan “Scuola Grande della Misericordia”nı bağlatdırdığı və demək olar ki, bütün hotelləri rezerv etdiyi bildirilir.

Toyda Elton Con və Ledi Qaqanın çıxış edəcəyi gözlənilir.

Qeyd edək ki, Ceff Bezos 226,7 milyard dollar sərvəti ilə dünyanın 4-cü ən varlı adamıdır.