Əzizimiz Elşən!
Görən gözümüz, ürək sözümüz, təpərli dizimiz-bizim özümüz – Elşən!
Elə bilirəm ki, hər gün sənə TƏBRİK yazıram! Niyə belə düşünürəm, bilmirəm. Bildiyim odur ki, belə düşünməyə haqım var: Sən hər kəsdən əzizsən - bala, qardaş-bacı oğlu kimi!
Uşaqlığından saçını bəyazladığın bugünədək gözlərimiz qarşısında ildəmi, aydamı, gündəmi, bilmirəm, “bir buğda” boyu böyümüsən, ucalmısan!
Ucalığı Tanrı sənə pay verib, həm boyda-buxunda,
həm də həyat yolunda!
Tanrının sevgisi var ürəyində dosta-doğmaya, hətta, yad bildiklərimizə də. Hər kəsi doğma bilmisən ki, “yadlar” gəlib doğmalaşıb sənə!
Bu da sənin qazancındır!
Hər kəsin bacarmadığı, qazana bilmədiyi SEVGİdir!
Həmişə “Elşən qaqa” olmusan!
Ailənin tək oğlu olsan da, səni yüzlərlə oğulların doğma qardaşı kimi görmüşük!
Bu da sənin xüsusi məharətindir-ürəyinin məhsulu!

Elşən! Sən 4-5 yaşından 45 yaşınadək keçdiyin ömür yolu o qədər daşlı-kəsəkli olub ki, hətta, bəlkə də buna görə Yaradanıız səni yolları hamar edən, çala-çuxurlu, daşlı-kəsəkli, torpaq yolların üstünə yumşaq örtük çəkməklə, hamının yolunu rahat eduib, mənzil başına sağ-salamat çatmasını istəmisən!
Elşən Həşimoğlu! İnanmağım gəlmir ki, sən 45 yaşa çatmısan!
Cavid, Cavad və Dəniz - balaların, onların anası, ömür-gün yoldaşın Nailə xanım buna inansalar da, atan Həşim, anan Aybəniz həkim buna inanmaq istəməzlər.


Nərimanoğlular ailəsi adından bu təbrikimizi qəbul etsən,sevinərdik biz də.
Məhəmməd əmin...
Bakı, 22 iyun 2025-ci il