Rusiya liderinin mətbuat katibi Dmitri Peskov Ukraynada Qərb ölkələrinin təklif etdiyi 30 günlük atəşkəs rejimini müzakirə etmək üçün Rusiyanın Fransa prezidenti Emmanuel Makronla dialoq kanalları olmadığını bildirib.

"Turaztv.az" "Unikal"-a istinadən xəbər verir ki, onun sözlərini “İnterfaks” sitat gətirib.


"Bizim Fransa prezidenti ilə dialoq kanallarımız yoxdur, lakin Vaşinqtonla müəyyən dialoq kanallarımız var ki, biz onları dəstəkləyirik və müxtəlif məsələlər müzakirə olunur", - Peskov atəşkəs təklifini şərh edərkən deyib.

Kreml nümayəndəsi xatırladıb ki, “Rusiya tərəfi ilkin şərt olmadan danışıqlara başlamağa hazırdır, Kiyev buna reaksiya verməyib, ona görə də bu baxımdan vəziyyət ziddiyyətli olaraq qalır”.