Xəbərlər / Nesr
30.04.2025, 00:06
Yaşa,Cəmilim,yaşa! - FOTOLAR
Yaşa,Cəmilim,yaşa!
Ailəmə, övladlarıma bağlı insanam. Övladlarım mənim üçün çox dəyərli varlıqlardır. Ancaq nəvə tamam başqa bir hissdir. İki oğlum, iki qızım var. Oğlanlarım evlidirlər. Cəlalın övladı var. Amma illər idi Turalın övladı olmurdu. Nəhayət, ötən il Allah ona övlad, mənə də nəvə bəxş elədi. Oğlumun oğlu dünyaya gəldi, adını Cəmil qoydular. Əvvəllər Cəlaldan olan nəvəm bizdən ayrı yaşasalar da, istəklərini yerinə yetirməyə çalışmışam. Zamanım olduğu müddətcə onları özümlə bərabər gəzdirmişəm. Onların heç bir istəyini nəticəsiz qoymamışam. Nəvələrimlə nəfəs alıram. Şükürlər olsun ki, bu gözəl nemətdən dadmaq mənə, eləcə də nənələrinə də qismət olub. Övladlarıma təşəkkür edirəm ki, mənə baba statusunu qazandırıblar. Bəlkə də nəvə ona görə şirindir ki, o, sənin övladının övladıdır.Canına daha yaxındır. Nəvələrimin hamısını çox istəyirəm.Onların addım atdıqlarını, yeriməklərini, danışmaqlarını görəndə çox sevinmişik. Bu, sözlə ifadə olunacaq hisslər deyil. Onlar bizim nəslimizin davamçılarıdırlar. Hər bir valideynə nənə-baba olmağı arzu edirəm. Bu çox gözəl hissdir. İstəyirəm nəvələrimin sayı daha da çox olsun. Nəvəm Cəmilin 1 yaşı tamam olur. Bu mnüasibətlə həm özümü,əmisini,bibilərini,dayı və xalalarını həm də valideynlərini təbrik edir, balaca Cəmilə isə cansağlığı, atalı, nənəli-babalı xoşbəxt ömür arzulayıram. Qəm-kədər ayaqlarının tozu sevinc isı başının tacı olsun. Amin! Və sonda fikrimi
bir neçə misra ilə tamamlamaq istəyirəm.
Nəvəmin ad günüdür,
Cəmildir onun adı.
Hamı üçün əzizdir,
Gülüşü, zarafatı.
Nəvə çox şirin olur,
Bir çoxu bilir bunu.
Sözə baxmasa belə,
Heç kim danlamır onu.
Kim inanmırsa buna,
Tezliklə görsün nəvə.
Baxıb doyunca ona,
Oxşasın sevə-sevə.
Gəlib çatdın bir yaşa,
Boy-buxunun tamaşa,
Allah səni saxlasın!
Yaşa,Cəmilim,yaşa!
Cəmildir onun adı.
Hamı üçün əzizdir,
Gülüşü, zarafatı.
Nəvə çox şirin olur,
Bir çoxu bilir bunu.
Sözə baxmasa belə,
Heç kim danlamır onu.
Kim inanmırsa buna,
Tezliklə görsün nəvə.
Baxıb doyunca ona,
Oxşasın sevə-sevə.
Gəlib çatdın bir yaşa,
Boy-buxunun tamaşa,
Allah səni saxlasın!
Yaşa,Cəmilim,yaşa!
Hörmətlə: Baban Cəmil Zəbhullaoğlu
Son xəbərlər
Ən çox oxunanlar
- Bu gün
- Bu həftə
- Bu ay
