Roma Papası Fransiskin dəfni ilə bağlı vəsiyyəti açıqlanıb.

"Turaztv.az" “Qafqazinfo”-ya istinadən xəbər verir ki, bu barədə “Vatican News” pontifik vəsiyyətinə istinadən məlumat yayıb.

Belə ki, Papa Romadakı Santa Maria Maggiore bazilikində sadə bir məzarda dəfn edilməsini istəyib.

“Qəbrimin əlavə planda göstərildiyi kimi, Pauline kapellası ilə Sforza kapellası arasındakı bazilikin yan koridorunda hazırlanmasını xahiş edirəm. Məzar torpaqda, sadə, heç bir xüsusi bəzək olmadan, yalnız bir yazı ilə olmalıdır: Fransisk”, - vəsiyyətdə qeyd olunub.

Xatırladaq ki, Roma Papası bu gün səhər saatlarında iqamətgahında vəfat edib. Onun komaya və ürək dayanmasına səbəb olan insultdan öldüyü bildirilir.