Çinin Xalq Azadlıq Ordusunun Tayvan yaxınlığında keçirdiyi təlimlər Yeddilik Qrupuna (G7) üzv ölkələrin narahatlığına səbəb olur.

"Report"un məlumatına görə, bu barədə G7-nin xarici siyasət idarələrinin rəhbərlərinin birgə bəyanatında deyilir.

"Biz, Kanada, Fransa, Almaniya, İtaliya, Yaponiya, Böyük Britaniya və Amerika Birləşmiş Ştatlarının xarici işlər nazirləri və Aİ-nin xarici işlər üzrə ali nümayəndəsi, Çinin təxribat xarakterli hərəkətlərindən, xüsusilə də Tayvan ətrafında son irimiqyaslı hərbi təlimlərindən dərin narahatlığımızı bildiririk", - Böyük Britaniya Xarici İşlər Nazirliyi tərəfindən yayılan bəyanatda deyilir.

"Getdikcə daha tez-tez baş verən və sabitliyi pozan bu hərəkətlər Tayvan boğazında gərginliyi artırır, qlobal təhlükəsizlik və rifahı təhdid edir. G7 üzvləri və daha geniş beynəlxalq ictimaiyyət Tayvan boğazında sülh və sabitliyin qorunub saxlanmasında maraqlıdır. Biz sülh və sabitliyi təhdid edən hər hansı birtərəfli hərəkətlərə, o cümlədən gücdən istifadəyə və G7 üzvləri arasında sülhün bərpası üçün dialoqa çağırışlara qarşıyıq", - mətndə deyilir.