Türkiyənin məşhur “Aşk-ı Memnu” serialının aktyorları uzun aradan sonra bir araya gəlib.

“Qafqazinfo” Türkiyə KİV-ə istinadən xəbər verir ki, serialda “Adnan” obrazını canlandıran Selçuk Yöntemlə “Behlül”ü oynayan Kıvanç Tatlıtuğ “Amadeus” tamaşasını izləmək üçün görüşüblər.

Aktyorların bir araya gəldiyi anın görüntüsü sosial mediada gündəm olub.

Fotoda aktrisalar Dilan Çiçek Deniz, Hatice Arslan və rejissor Kerem Çatay da yer alıb.

Qeyd edək ki, “Aşk-ı Memnu” 2008-2010-ci illər ərzində yayımlanan ən məşhur seriallardan biridir.