Serbiya prezidenti Aleksandar Vuçiç Ağ Ev rəhbəri Donald Trampın Ukraynadakı münaqişənin sona çatmasına kömək edəcəyi təqdirdə ona heykəl ucaltmağı təklif edib.

"Unikal" xarici mediaya istinadən xəbər verir ki, Vuçiç bu işdə Trampa dəstək olmağa hazır olduğunu deyib.

“Əgər Tramp buna nail olsa, biz hamımız ona abidə ucaldacağıq, o sonra bütün planeti xilas edəcək. Mən bunun baş verməsi üçün onun tərəfdarıyam”, - Serbiya lideri bildirib.