Hər dəfə, sosial şəbəkə üzərində şəhid paylaşımların görəndə, özümdən asılı olmayan səbəbdən bir anlıq duruxub, onların doğum tarixinə baxıram. Ani olaraq yadıma zəfər tariximiz ərəfəsində, hər gün bizə qürur yaşadan ordumuzun əsgərlərinin şəhid olmasını eşidib, böyük ağrı ilə yazdığım şeirlərimdən bu misra yadıma düşür.

Uşaqlıqları, soydaşlarımızın qaçqın, köçkün dövrünə düşmüş, doxsanıncı ilin ağrılarını körpə gözləri ilə görmüş, ağıllarına həkk etmiş bu balaların, mənfur, nadan qonşularımız olmuş ermənilərin 200 illik sərsəm ideologiyasının acılarını yaşayan xalqımızı bu bəlalardan qurtaran bu oğullar, öz cavan yaşlarında belə canlarına qıydı. Biz rahat yaşayaq, utanmayaq, qürurlu olaq, deyə.

O illərin acısını yaşayanda bir başqa şeirimdə isə ağrılarımı, acılarımı bu cür qələmə alıb, özümə təsəlli vermişdim.

Bəli, ən müqəddəs, ən ülvi hiss- şəhidlik məqamı.
Bu gün, bu şərəfli tarixi bizə yaşadan, 19 sentyabr 2023-cü ildə, terrorçu erməni qalıqların torpaqlarımızdan qovmaq üçün Azərbaycan Respublikasının Silahlı Qüvvələrinin keçirdiyi uğurlu lokal antiterror əməliyyatı zamanı şəhidlik zirvəsinə yüksələn şəhid balamız Arzullayev Murad Təvəkgül oğlu haqqında düşüncələrimi yazacam. Şəhid Murad Təvəkgül oğlu Arzullayev 21 fevral 1998-ci ildə Bakı şəhərində anadan olub.

O da, bir çox yaşıdları kimi fərəh içində, ata-anasının onun üçün xəyal edib qurduğu böyük arzuları içində, heç nədən xəbərsiz uşaqlıq dövrünü yaşayıb. Xırdalan şəhərində 3 saylı məktəbinə gedib. Təhsilini başa vuran kimi həqiqi hərbi xidmətə çağırılıb.
Azərbaycan Respublikası Silahlı Qüvvələrinin giziri olan Arzullayev Murad xidmət etdiyi dövürdə şəxsi heyət qarşısına qoyulan bütün tapşırıqları layiqincə, yüksək səviyyədə yerinə yetirib. Məsuliyyət və Silahlı Qüvvələrmizə böyük sevgisinin sayasində xidmət etdiyi bütün yoldaşları arasında xüsusi hörmətə və ehtirama laiq olub. Ona görə də həmişə xidmətdə rəhbərliyin təşəkkür və tərifnamələrinə laiq görülüb. Şəhidlik zirvəsinə yüksələn dən sonra onun nəşi Bakı şəhərində 2-ci Fəxri Xiyabanında uğrunda şəhid getdiyi Vətən torpağına tapşırılıb.

Dövlətimiz tərəfindən xidmətləri yüksək qiymətləndirilib. O, ölümündən sonra 3-cü dərəcəli "Vətənə xidmətə görə" ordeni ilə təltif edilib.
Bəli, hər bir övlad kimi heç zaman anasının göz yaşına qıymayan bir şəhidimiz, Arzullayev Murad Təvəkgül oğlu da,

Çox heyif, Murad bir çox şəhidlərimiz kimi subay idi. Ondan yadigar, atası Təvəkgül kişiyə, anası Laura Ramiz qızına onun şəkilləri, gülüşü, baxışı, xoş xatırlanacaq xatirələri qaldı...

Şəhid balamız Murad Arzullayev bir tale qisməti ilə bizə qürur verdi. Doğmalarını, əzizlərini xatirələri ilə qovrula-qovrula qoyub getdi...

Ruhu şad olsun, Allahın rəhməti üzərində olsun Murad...
Şəhidimiz qarşısında səcdə qılıb, onu yad edib, bu kiçik yazı ilə ehtiramımı bildirirəm.
Allah rəhmət etsin bütün şəhidlərimizə...

Ehtiramla,
Elxas Comərd,
AYB-nin, "İti Qələm" Respublika Ədəbi Birliyinin və
"Ağsu Yazarları" Ədəbi Birliyinin üzvü.