Azərbaycanda 2025-ci ilin ilk körpəsi TƏBİB-in tabeliyində fəaliyyət göstərən Yeni Klinikada dünyaya gəlib.

"Turaztv.az" "Unikal"-a istinadən xəbər verir ki, 01.01.2025-ci il tarixində saat 00:01-də doğulan körpənin cinsi oğlan, boyu 50 sm, çəkisi 3 kq 900 qr olub.

38-ci həftəsində təbii doğuşa alınan ananın və yenidoğulmuşun vəziyyəti hazırda stabildir.

Qeyd edək ki, Bakı sakini olan Fəridə Əliyeva daha öncə 2000-ci ildə ilk dəfə ana olub.