Suriya hökumət qüvvələrinin hərbçiləri Həma vilayətinin şimal sərhədində müdafiəni gücləndiriblər.

"Turaztv.az" “Report”-a istinadən xəbər verir ki, bu barədə Suriya Silahlı Qüvvələrinin baş komandanlığı sosial şəbəkədə Suriya Müdafiə Nazirliyinin səhifəsində dərc edilmiş bəyanatında bildirib.

“Silahlı terror təşkilatlarının səhifə və platformalarında Həma vilayətinin şimalındakı şəhərlərə sızmaları barədə yayılan məlumatlar həqiqətə uyğun deyil”, – məlumatda qeyd olunub.

Vurğulanıb ki, silahlı qüvvələr müdafiə xəttini gücləndiriblər və hər hansı mümkün hücumu dəf etməyə tam hazırdırlar.