ABŞ ordusu Yəmənə husilərə məxsus pilotsuz uçuş aparatını hədəfə alaraq zərbə endirib.

Turaztv.az "Report"-a istinadən xəbər verir ki, bu barədə ABŞ Mərkəzi Komandanlığı "X" səhifəsində məlumat yayıb.

"CENTCOM qüvvələri Yəməndə husilərin nəzarətində olan ərazidə PUA-nı uğurla məhv edib", - məlumatda deyilir.

Qeyd edək ki, Qəzza zolağında münaqişənin alovlanmasından sonra “Ənsar Allah” İsrail ərazisinə hücum etməklə Qəzzada əməliyyat dayandırılanadək İsraillə əlaqəli gəmilərin Qırmızı dəniz və Bab-əl-Məndəb boğazı sularından keçməsinə icazə verməyəcəyi ilə hədələyib.