Türkiyənin “Trabzonspor” komandası Avropa Liqasının III təsnifat mərhələsində ilk oyununa çıxıb.

Turaztv.az AZƏRTAC-a istinadən xəbər verir ki, “bordo-mavililər” doğma meydanda “Rapid”i (Avstriya, Vyana) qəbul edib. Görüş qonaqların 1:0 hesablı qələbəsi ilə yekunlaşıb.

Komandalar arasında cavab qarşılaşması bir həftə sonra Avstriyada keçiriləcək.

Qeyd edək ki, “Trabzonspor” bu raundu keçərsə, pley-off mərhələsində “Braqa” (Portuqaliya) - “Servett” (İsveçrə) cütünün qalibi ilə qarşılaşacaq.