ABŞ-nin keçmiş prezidenti və Respublikaçılar Partiyasından prezidentliyə namizəd Donald Trampın reytinqi sui-qəsd cəhdindən və Respublikaçıların milli qurultayından sonra yüksəlib.

Turaztv.az "Report"-a istinadən xəbər verir ki, bunu "Ipsos" sosioloji xidmətinin ABC televiziya şirkəti üçün hazırladığı sorğunun məlumatları sübut edir.

Tədqiqata görə, Trampın reytinqi son hadisələr fonunda son 4 ildə ilk dəfə 40%-ə yüksəlib.

Sorğu 19-20 iyul tarixlərində 1 141 amerikalı arasında aparılıb.

ABŞ-də prezident seçkiləri noyabrın 5-də keçiriləcək. Donald Trampın namizədliyi Respublikaçılar Partiyasının iyulun 15-də başlayan və 4 gün davam edən milli qurultayında təsdiqlənib. Baydenin namizədliyinin Demokratların avqustun 19-22-də Çikaqoda keçiriləcək milli qurultayında təsdiqlənəcəyi gözlənilir.