“Los Anceles Qalaksi”nin futbolçusu Olivye Jiru Fransa millisindəki karyerasını başa vurub.

Turaztv.az “Qafqazinfo”-ya istinadən xəbər verir ki, bu barədə 37 yaşlı hücumçu özünün sosial şəbəkə hesabında yazıb.

Qeyd edək ki, Jiru Fransa millisində 2011-ci ilin noyabrında ABŞ ilə oyunda (1:1) debüt edib. Forvard 13 il ərzində milli komandada 137 oyuna çıxıb, 57 qol vurub və 15 məhsuldar ötürmə edib. Onun millidə son matçı İspaniya ilə AÇ-2024-ün yarımfinal oyunu olub (1:2).