Arzu Yaqubqızı poeziyasının ilk nübarı, ilk kitabı, Mirvarid Dilbazi Poeziyasının növbəti uğuru...Bütövlükdə möhtəşəmdi, kitabın adı da könül açandı, milli dəyərdi--Nağıl kəlağayım, sirr kəlağayım.
Kitabın redaktoru- Güllü Eldar Tomarlı, Mirvarid Dilbazi Poeziya Məclisinin sədri, Kəlağayı Muzeyinin direktoru,məsləhtçi- Tərlan Musayeva, Prezident təqaüdçüsü, əmək qəhrəmanı rəyçilər- Xatirə Dilbazi, Mirvarid Dilbazinin qızı, Vüsal Sehranoğlu, Mirvarid Dilbazi Poeziya Məclisi İctimai Birliyinin sədr müavini


Musiqi kimi şeir da ruhumuzun mənəvi qidasıdır.Livan yazıçısı, filosofu, rassamı Cübran Xəlil Cübranagöra, poeziya - sevinc, ağrı, taaccüb və bir az da lüğətdən götürülmüş sözlərin axınıdır. Bərdədə yaşayan şair xanım Arzu Yaqubqızı isə şeiri "insanlıq halı", doğrunun səsi"hesab edir. Doğrudan da uğurlu bənzətmədi. Axı şeir,ümumi götürsək, söz sənəti duyğuların bəzən həzin bəzən də kükrəyən səsidir. "Gecəylə həmdəm olub"səhərədək duyğuların beşiyində yuxusuz qalan Arzu xanım "sevginin rəngi"ni axtaranda qarşısına gözəllik çıxır. Əsl söz adamının gözəllikləri tapıb, vurulub, vəsf
edib sözə çevirməkdən başqa nə missiyası olar ki? F.Dostoyevski kimi Arzu xanım da əmindi ki, dünyanı gözəllik xilas edəcək. Şair xanım inanır ki, gözəlliklərin yaradıcısı insanın mənəvi dünyasıdı:

Arzu xanım barışçı və savaşçı Türk qızıdır. Zərif qəlbi insanlığa qənim kəsilənlərə qarşı barışmazdı. Bu mübarizədə uduzmaq ona yaddır. Nə olsun ki, bəzən sinəsindəki həsrətin neyi ilə nisgilini çalır. Onun nisgili, həsrəti də üsyankardı. Bu söz adamının taleyidir. Onun ilahi kədəri könül çırpıntılarını sözə gətirməyə kömək edir. Sözləri misralara muncuq kimi düzür:

Arzu xanım könül verdiyi sözü tumarlaya-tumarlaya gənc və təravətli saxlamağı bacarır. Qəlbinin yaradıcılıq yanğısına arxayındır ki, haqsızlıq görəndə susmayacaq.Bilir ki, "pöhrə təbini qələmi böyüdəcək". Həm də o, "bir sevgi heykəlidir, məhəbbət qalasında", sözünə çox sadiqdir, ona xəyanət edə bilməz. Buna görə də təxəyyülündən süzülən sözlər bəzən klassik görünür:

Onun həssas ürəyi ilə yanaşı həssas gözü var:

Arzu xanım milli ruhlu, düşüncəli Azərbaycan xanımı kimi ona Tanrının verdiyi mənəvi bəxşişin -abır-həyanın, ismətin, namusun, bir sözlə, bütün mənəvi saflıqların keşiyindədir. Bunu xalqımızın qədim milli baş örtüyü kəlağayını tərənnüm edən silsilə şeirləri tam təsdiq edir."Şeytan sifətlilər cildlənib mələkləri çaş qoyan"zəmanədə "doğrunun səsi"ni axtaran Arzu xanımın qidası sözdür. Mənəvi qida ilə böyüyənlər mənəvi ac, maddi
toxdurlar. "Qıfıl adamlar"ın əlindən cana gəlsə də, şair xanım ürəyində arzu və ümidlər daşıyır. Müqəddəs yükdü. "Ümid çatlasa da, arzu qırılmaz", Arzu xanım.İnsanı yaşadan "insanlıq halı"dır, əziz bacım...

Güllü Eldar Tomarlı
Mirvarid Dilbazi Poeziya Məclisi
İctimai Birliyinin sədri,
şəxsi "Kəlağayı Muzeyi"nin direktoru