İstanbulda bir kafedə iki qrup arasında silahlı qarşıdurma baş verib. İlkin məlumata görə, hadisə nəticəsində 3 nəfər ölüb, 5 nəfər yaralanıb.

Turaztv.az AZƏRTAC-a istinadən xəbər verir ki, qarşıdurma ilə bağlı İstanbul Valiliyindən açıqlama verilib.

Bildirilib ki, hadisə yerli vaxtla saat 20:10 radələrində şəhərin Üsküdar rayonunda meydana gəlib. Əraziyə polis və təcili tibbi yardım qrupları cəlb olunub.

Yaxınlıqdakı xəstəxanalara çatdırılan yaralılardan ikisinin vəziyyəti ağırdır.

Faktla bağlı araşdırma başladılıb.