İtaliyanın xarici işlər naziri və Baş nazirin müavini Antonio Tayani bildirib ki, Roma Rusiya ərazisinə zərbələr endirmək üçün Ukrayna Silahlıq Qüvvələrini silahla təmin etmir.

Turaztv.az APA-ya istinadən xəbər verir ki, Tayani bu açıqlamanı İtaliyadan Kiyevə silah tədarükü ilə bağlı “RIA Novosti“nin sualını cavablandırarkən verib.

XİN başçısının sözlərinə görə, İtaliya hökumətinin müharibənin lap əvvəlindən Kiyevə silah tədarükündə məqsədi Ukraynanın özünü müdafiə edə bilməsinə dəstək olub.

“Biz Rusiya ərazisini atəşə tutmaq üçün silah təklif etmirik”, - nazir vurğulayıb.