Azərbaycan parabadmintonçusu İbrahim Əliyev İspaniyanın Vitoriya şəhərində keçirilən beynəlxalq turnirdə yarımfinala yüksəlib.

Turaztv.az AZƏRTAC-a istinadən xəbər verir ki, o, buna parabadmintonçuların qoşa yarışında nail olub.

Sinqapur parabadmintonçusu Tay Vey Minqlə birgə qoşa yarışda mübarizə aparan İ.Əliyev qrup mərhələsini uğurla başa vuraraq 1/4 finala yüksəlib.

İbrahim yer aldığı qoşa yarımfinal uğrunda keçirilən qarşılaşmada Fransa təmsilçiləri Martın Baptiste-Sarrobert Klement tandeminə hər iki setdə qalib gəlib - 2:0 (21-13, 21-17).

İdmançı parabadmintonçuların qoşa yarışının yarımfinal mərhələsində Hindistan təmsilçiləri ilə qarşılaşacaq.