ABŞ İsrailə hərbi yardım tempini azaldıb.

Turaztv.az AZƏRTAC-a istinadən xəbər verir ki, bu barədə İsrailin yüksək rütbəli rəsmisi ABC televiziyasına bildirib.

Rəsminin sözlərinə görə, İsrail və HƏMAS arasında münaqişənin başlanğıcında ABŞ-ın hərbi yardımı daha intensiv idi, lakin zaman keçdikcə çatdırılmalar azalıb.

Gecikmələrin səbəbləri açıqlamayıb, lakin qeyd edilib ki, İsrail ABŞ-ın münaqişədən məyus olmasından və yəhudi dövləti tərəfindən Qəzza zolağına humanitar yardım çatdırmaq üçün kifayət qədər addım atılmamasından xəbərdardır.

İsrail ordusu şərh verməkdən imtina edib.