Xəbərlər
28.01.2024, 20:45
Azərbaycan Premyer Liqası: Turun son oyununda “Neftçi” qalib gəlib
Turaztv.az AZƏRTAC-a istinadən xəbər verir ki, günün ikinci matçında "Neftçi" "Qəbələ"ni qəbul edib.
Görüş meydan sahiblərinin 3:1 hesablı qələbəsi ilə başa çatıb.
Hesabı 61-ci dəqiqədə penaltidən Emin Mahmudov açıb. Dieqo Valdez 67-ci dəqiqədə ikinci topu rəqibin qapısından keçirib. Qonaqların heyətində 87-ci dəqiqədə Emil Səfərov fərqi minimuma endirsə də, 90+5-ci dəqiqədə Brayan Moreno fərqlənərək matçın yekun nəticəsini müəyyənləşdirib.
Turun əvvəlki oyunlarında "Turan Tovuz" "Səbail"ə 3:1, "Qarabağ" "Kəpəz"ə 2:1 və "Sabah" "Zirə"yə 1:0 hesabı ilə qalib gəlib. "Araz-Naxçıvan"la "Sumqayıt" komandaları arasındakı matç isə sülhlə yekunlaşıb - 1:1.
Qeyd edək ki, turnir cədvəlinə 47 xalla "Qarabağ" başçılıq edir. Xallarını 32-yə çatdıran "Neftçi" 2-cidir. "Sumqayıt" 31 xalla 3-cü, "Zirə" isə 30 xalla dördüncü pillədə qərarlaşıb.
Son xəbərlər
Ən çox oxunanlar
- Bu gün
- Bu həftə
- Bu ay
