Turaztv.az AZƏRTAC-a istinadən xəbər verir ki, bu barədə Təhsil İnstitutunun İnsan Resursları Mərkəzi məlumat yayıb.

Qeyd olunub ki, müsabiqənin vakansiya seçimi mərhələsində əvvəlcə vakant yer seçmək imkanı müəllimlərin işə qəbulu üzrə müsabiqədə minimum tələbi ödəyən şəhid ailəsi üzvlərinə verilir. Namizədlər iyulun 22-də saat 11:00-dan iyulun 25-də 11:00-dək şəxsi səhifələrinə daxil olaraq seçim edə bilərlər.

Həmçinin bildirilib ki, müəllimlərin işə qəbulu üzrə müsabiqənin test imtahanlarına dair apellyasiya müraciətlərinin təhlili başa çatıb. Tarix, biologiya, texnologiya və təsviri incəsənət fənləri üzrə aparılmış təhlillərə əsasən, imtahan nəticələri yenidən hesablanıb. Namizədlərin imtahan nəticələri şəxsi səhifələrinə göndərilib.