Rusiya Prezidenti Vladimir Putin “Vaqner” silahlı qrupunun təsisçisi Yevgeni Priqojin ətrafında cərəyan edən situasiyadan xəbərdardır və bütün lazımi tədbirlər görülür.

AZƏRTAC TASS-a istinadla xəbər verir ki, bu barədə jurnalistlərə açıqlamasında dövlət başçısının mətbuat katibi Dmitri Peskov məlumat verib.

Qeyd edək ki, Yevgeni Priqojin Rusiya Müdafiə Nazirliyinin “Vaqner”in arxa cəbhəsinə zərbələr endirdiyini və itkilərin olduğunu iddia edib. Rusiya Müdafiə Nazirliyi isə vəziyyəti təxribat adlandırıb və məlumatların həqiqətə uyğun olmadığını bildirib.