Azərbaycan Yerüstü Nəqliyyat Agentliyi (AYNA) ictimai nəqliyyatda alternativ ödəniş imkanı yaradan yeni mobil tətbiqi təqdim edib.

Yeni mobil tətbiq vasitəsilə sərnişinlərin QR bilet alması, bütün bank kartları vasitəsilə “BakıKart” hesabını artırması mümkün olacaq.

Hazırda pilot mərhələsində olan mobil tətbiq iyulun 1-dən tam qüvvəsi ilə sərnişilərin xidmətində olacaq.

AYNA-nın departament rəhbəri Sübhan Əbilov bildirib ki, sərnişinlərin aldığı QR bilet 5 dəqiqə ərzində keçərli olacaq: "Əgər sərnişin aldığı bileti 5 dəqiqə ərzində istifadə etməsə, onun biletə görə etdiyi ödəniş hesabına geri qayıdacaq. Sərnişinlər eyni zamanda mobil tətbiq vasitəsilə bir neçə bilet də ala bilərlər".