Vahid Əhmədov:“Pensiya yaşını azaltmağa ehtiyac var”
Məlum olduğu kimi, deputat Vahid Əhmədov Milli Məclisin büdcə müzakirələrinə həsr olunmuş plenar iclasında da insanları narahat edən məqamlardan biri olan pensiyaçıların yaş həddi iməsələsini müzakirəyə çıxarıb.

Vahid Əhmədov bununla bağlı bizimyol.info- ya acıqlamasında deyib: “Mən hər dəfə bu məsəni qaldırıram. Yəqin ki, nazirimiz buna cavab verəcək. Yaş həddinin indiki səviyyəsini müdafiə edənlər deyir ki, dünya təcrübəsi belədir. Mən də dünya təcrübəsinə baxmışam və öyrənirəm ki, MDB məkanında da pensiyaya çıxmanın yaş həddi bizdəkindən aşağıdır. Türkiyədə bu hədd 60 yaşdır. Fransada və başqa ölkələrdə də belədir. Bizə həmişə yaş həddi yuxarı olan dövlətləri misal gətirirlər. Amma son hadisələr onu göstərir ki, yaş həddi yüksəkdir və onu müəyyən qədər azaltmağa ehtiyac var. Bu, baxılmalı məsələdir. Çünki pensiya islahatları başalayanda biz bu məsələyə toxunduq, amma qəbul olunmadı. Yaşla bağlı məsələ çiddi məsələdir. Dövlət insanların qayğısına qalmalıddır”.