Xəbərlər
20.03.2023, 21:32
Böyük Britaniya İrana qarşı yeni sanksiyalar tətbiq edib
AZƏRTAC Britaniya mətbuatına istinadla xəbər verir ki, Sepahın 7 rəhbər şəxsinin adı sanksiyaların tətbiq olunduğu şəxslərin siyahısına salınıb. Sepahın kooperativ fondunun idarə heyətinin sədri Əli Əsgər Novruzi və onun müavini Seyid Əminullah Təbəbatəbayi və idarə heyətinin digər üç üzvünə sanksiyalar tətbiq olunub. Bununla yanaşı, Sepah-ın iki regional şöbəsinin rəhbəri - Əhməd Zülqədri və Əlirza Heydərianın da adları siyahıya daxil edilib.
Böyük Britaniya hökuməti adı çəkilən şəxslərə İranda insan hüquqlarını kobudcasına pozduqlarına görə sanksiya tətbiq olunduğunu açıqlayıb.
Sepah ötən ilin sentyabrında 22 yaşlı qızın polis zorakılığına məruz qaldıqdan sonra ölməsindən sonra ölkədə davam edən kütləvi aksiyaları yatırmaq üçün xüsusi qəddarlıq nümayiş etdirib. Aksiya iştirakçıları nəinki döyülüb, həm də öldürülüb.
Sanksiyalara əsasən, Sepah rəhbərlərinin Böyük Britaniya banklarındakı maliyyə aktivləri dondurulub və onların ölkə ərazisinə girişi qadağan edilib.
Son xəbərlər
Ən çox oxunanlar
- Bu gün
- Bu həftə
- Bu ay
