Qətərdə keçirilən futbol üzrə dünya çempionatının qalibi olan Argentina millisinin oyunçularının Buenos-Ayresdə keçirilməli olan bayram paradı yarımçıq qalıb.

AZƏRTAC xarici KİV-lərə istinadla xəbər verir ki, buna Argentina paytaxtında yaranan izdiham səbəb olub.

Belə ki, paytaxt küçələrinə çox sayda insanın çıxması millinin futbolçularını daşıyan avtobusun şəhər mərkəzinə gedib çatmasına imkan verməyib. Bildirilir ki, futbolçular kuboku nümayiş etdirmək üçün eyvanına çıxmalı olduqları Prezident Sarayına helikopterlə gediblər.