Xəbərlər
3.05.2026, 01:18
MƏMMƏD QƏDİR : Allahın yadında varamsa bəsdir - FOTO
Ölmüş adam kimi baxırlar mənə,
Zəng edib soruşan, xəbər alan yox.
Sanki gəlməmişəm heç yer üzünə,
İtirib axtaran, saya salan yox.
Mən axı diriyəm, ay unudanlar,
Zibil daşıyıram, şeir yazıram.
Dizdə güc yoxsa da, hələ ki, can var,
Naümid sabaha plan cızıram.
Nə olsun gözümdə selim lillənib,
Mən də Sizin kimi Ordan düşmüşəm.
İşığım azalıb, odum küllənib,
Köhnə çıraq kimi nurdan düşmüşəm.
Düşsə də ruhunda yaz nəfəsi var,
Əriyib hey gedər ömür qar kimi.
İşığı ölsə də, köhnə çıraqlar,
Dəyərin saxlayır antikvar kimi.
Burdayam demək də doğru alınmır,
Yunus der:- bilməyən nə bilsin bizi.
Neyləyim, şairdən oğru alınmır,
Girib oxuyardım ürəyinizi.
Gözə görünürsən xeyir verincə,
Xeyirsiz bəndələr gözə görünməz.
O üzdən ömrünü qoyubdu dincə,
Özünə bənzədib Gözəgörünməz.
Gözə girməyənlər çıxırmış yaddan,
Unudan dillərdə caramsa, bəsdir.
Məmməd, vəfa umma fani həyatdan,
Allahın yadında varamsa, bəsdir.
Zəng edib soruşan, xəbər alan yox.
Sanki gəlməmişəm heç yer üzünə,
İtirib axtaran, saya salan yox.
Mən axı diriyəm, ay unudanlar,
Zibil daşıyıram, şeir yazıram.
Dizdə güc yoxsa da, hələ ki, can var,
Naümid sabaha plan cızıram.
Nə olsun gözümdə selim lillənib,
Mən də Sizin kimi Ordan düşmüşəm.
İşığım azalıb, odum küllənib,
Köhnə çıraq kimi nurdan düşmüşəm.
Düşsə də ruhunda yaz nəfəsi var,
Əriyib hey gedər ömür qar kimi.
İşığı ölsə də, köhnə çıraqlar,
Dəyərin saxlayır antikvar kimi.
Burdayam demək də doğru alınmır,
Yunus der:- bilməyən nə bilsin bizi.
Neyləyim, şairdən oğru alınmır,
Girib oxuyardım ürəyinizi.
Gözə görünürsən xeyir verincə,
Xeyirsiz bəndələr gözə görünməz.
O üzdən ömrünü qoyubdu dincə,
Özünə bənzədib Gözəgörünməz.
Gözə girməyənlər çıxırmış yaddan,
Unudan dillərdə caramsa, bəsdir.
Məmməd, vəfa umma fani həyatdan,
Allahın yadında varamsa, bəsdir.
Anmadığım günü olmayan anamın anım gününə
Daş yerinə, ay ana
Öləndə kim ağlayacaq bəs mənə,
Mən öləydim kaş yerinə, ay ana.
Yaşa deyir icimdəki səs yenə,
Qoyub məni quş yerinə, ay ana.
Yetim dərdin İlahi də qutlamır,
Pəhləvandı, kimsə qolun qatlamır,
Daş ürəyim axı niyə partlamır,
Gözüm çıxsın qaş yerinə, ay ana.
Anlayıram, istədiyin bu deyil,
Sən sadiqsən, ölsün oğlun, qu deyil,
Qəbrini isladan adi su deyil,
Candı axır yaş yerinə ay ana.
Hər dərdimə Simurq olub yetmisən,
Mələkmişsən, göyə merac etmisən,
Sən ömrümü başsız qoyub getmisən,
De nə qoyum baş yerinə, ay ana.
Varlığımı yoxluq vurar, linç edər,
Qəbrin üstə çiçək əkdim, incə, tər,
Heç qıyaram ruhunu daş incidə,
Məmməd bitib daş yerinə, ay ana...
Mən öləydim kaş yerinə, ay ana.
Yaşa deyir icimdəki səs yenə,
Qoyub məni quş yerinə, ay ana.
Yetim dərdin İlahi də qutlamır,
Pəhləvandı, kimsə qolun qatlamır,
Daş ürəyim axı niyə partlamır,
Gözüm çıxsın qaş yerinə, ay ana.
Anlayıram, istədiyin bu deyil,
Sən sadiqsən, ölsün oğlun, qu deyil,
Qəbrini isladan adi su deyil,
Candı axır yaş yerinə ay ana.
Hər dərdimə Simurq olub yetmisən,
Mələkmişsən, göyə merac etmisən,
Sən ömrümü başsız qoyub getmisən,
De nə qoyum baş yerinə, ay ana.
Varlığımı yoxluq vurar, linç edər,
Qəbrin üstə çiçək əkdim, incə, tər,
Heç qıyaram ruhunu daş incidə,
Məmməd bitib daş yerinə, ay ana...
Son xəbərlər
Ən çox oxunanlar
- Bu gün
- Bu həftə
- Bu ay
