Bu gün Rumıniyanın paytaxtı Buxarestdə "Grand Chess Tour" seriyasının ilk mərhələsi olan “Superbet Chess Classic” şahmat turnirinin birinci turunun oyunları keçirilib.

Turaztv.az AZƏRTAC-a istinadən xəbər verir ki, yarışda iştirak edən Azərbaycan şahmatçısı Şəhriyar Məmmədyarov ilk görüşdə ABŞ təmsilçisi Uesli Soya məğlub olub.

Dairəvi sistem üzrə təşkil olunan və mayın 14-dək davam edəcək turnirin ümumi mükafat fondu 350 min ABŞ dolları təşkil edir.

Xatırladaq ki, Şəhriyar Məmmədyarov 2021-ci ildə keçirilmiş “Superbet Chess Classic” turnirinin qalibi adına layiq görülüb.