Gənclər və idman naziri Fərid Qayıbov Azərbaycan triatlonçusu Rostislav Pevtsovla görüşüb.

Azərbaycan Gənclər və İdman Nazirliyinin mətbuat xidmətindən AZƏRTAC-a bildiriblər ki, görüşdə Azərbaycan Triatlon Federasiyasının prezidenti Elçin Əliyev və yığma komandanın məşqçisi Sergey Yasenko da iştirak ediblər.

Fərid Qayıbov gənc triatlonçuların yetişməsində, onların motivasiya edilməsində təcrübəli idmançıların rolunun əhəmiyyətini vurğulayıb. Rostislav Pevtsov və məşqçisi gələcək planları barədə nazirə məlumat veriblər.