ABŞ-ın Cənubi Karolina ştatının paytaxtı Kolumbiyada ticarət mərkəzlərindən birində atışma olub. Hadisə nəticəsində bir neçə nəfər yaralanıb.

AZƏRTAC TASS agentliyinə istinadla xəbər verir ki, daha əvvəl hüquq-mühafizə orqanları ticarət mərkəzində naməlum şəxsin atəş açması barədə məlumat vermişdilər. Məlumatda bildirilirdi ki, insident nəticəsində zərərçəkənlər var və onlara həkimlər tərəfindən tibbi yardım göstərilir. Lakin Kolumbiya polisi zərərçəkənlərin dəqiq sayını açıqlamayıb.

Hüquq-mühafizə orqanlarının əməkdaşları ticarət kompleksinə gələnləri təxliyə ediblər.