Dünya cadugərdir. O, sehrilə hamını aludə edir. Həyat- içinə bir çömçə bal qatılmış zəhər çəlləyinə oxşayır. İnsanlar bir qətrə şirini dadmaq üçün böyük həcmdə ağunu udur və kəsici təsirinə tab gətirə - gətirə yaşayır və yaşamaq istəyir.
Xalq bayatısında deyildiyi kimi, dünya bir pəncərədir, hər gələn baxar gedər. Dönüb ikinci dəfə baxmaq mümkün olmur. Bədbinliyə qapılmadan etiraf etmək lazımdır ki, dünya fanidir. Onun özündən başqa əbədi bir şey yoxdur. Yadda qalan, yaşayan, unudulmayan bir şey varsa, köçəri quşlara bənzəyən insanların sələflərinə yadigar saxladıqları nəcib əməllər, xeyirxah işlər, xoş sifətlər, yüksək mənəvi keyfiyyətlərdir.
MƏRHUM QOHUM, GÖZƏL ANLARIN DOSTU, QAYĞIKEŞ ATA, QABAQCIL MÜƏLLİM VƏ MƏKTƏB DİREKTORU çalışmış NATİQ SƏFƏR OĞLU SƏMƏDOV mənim yadımda bu keyfiyyətləri ilə qalmışdır.
NATİQ müəllim həmişə sayılıb, seçilən müəllim idi. Hamı onu prinsipial, öz sözünü deyə bilən, qürurlu, əyilməz, iradəli bir ziyalı kimi tanıyırdı. Hesablaşırlar onunla, eşidirdilər onu. HÖRMƏT EDİRDİLƏR ONA.
...Məclislər yaraşığı idi. Zövqlə geyinərdi, sinədəftər idi. Məclislərdə dayanmadan saatlarla şeirlər söyləyərdi. ...
...Natiq müəllimin dünyasını dəyişdiyini eşidən də xeyli özümə gəlmədim. Əvvəl inanmadım. Amma bu, həqiqət idi.
Acı və ağrılı həqiqət...
NATİQ SƏFƏR OĞLU SƏMƏDOV sanki anadan müəllim doğulmuşdu. Gözəl dilçi idi. Hərtərəfli şəxsiyyət, geniş mütaliəsi, zəngin və hərtərəfli dünyagörüşü, yüksək duyum mədəniyyəti olan insan idi. ÇOX OTURUB SÖHBƏTLƏR ETMİŞİK, BİR YERDƏ DUZ- ÇÖRƏK KƏSMİŞİK. Onun qəflətdən köçməsi biz dostları və yaxınlarını çox sarsıtdı.
NATİQİN nurlu çöhrəsi, əziz xatirəsi heç vaxt unudulan deyil. Hamımızın son aqibəti axirətdir. Kaş elə axirətə qovuşanların hamısı NATİQ müəllim kimi yaddaqalan, hörmətlə xatırlanan insanlar olsunlar.
Qoy, məzarı nurla dolsun, hörməti, izzəti övladlarının, qohum - əqrabasının, dost və tanışlarının qəlbində əbədi yaşasın!!!
Allah Sənə rəhmət eləsin, NATİQ!!!