Xəbərlər
17.11.2021, 22:31
İşıq- CÜMŞÜD AYDƏMİROV
İŞIQ...
Yağış elə yağır,elə tökür ki,
Sanki,doluşacaq evdən içəri.
Külək vıyıldayır,elə əsir ki,
Sanki qoparacaq kürreyi-ərzi!
Qəfildən qaraldı,söndü işıqlar,
Elə bil dünyada həyat dayanmış.
Məni ağuşuna aldı xəyallar,
İnsanlar işıqsız necə yaşamış?
Axtardım beynimdə "Tarix-Nadiri",
Cavabın qəbilə başçısı verdi:
Ocaq yandırmışıq işıq əvəzi,
Ocaqsız,işıqsız həyat heç nədi!
Bəşər övladını yaradan Allah,
Həyatın özü tək dürüstlük vermiş.
Görüb,quraşdırıb və yaratmağa,
Ona əlləriylə iki göz vermiş.
Düşünüb,dərk edib və anlamağa,
İnsanın başı var,başında beyni.
Dünyanı məhv edən bir qurumsağa
Necə anladasan bu fəlsəfəni?
Bir ömür yaşayır həyatda insan,
İşıqlı ömürçün bir işıq gərək!
Nə vaxtsa həyatı tərk edən insan,
Sonraya bir işıq saxlasın gərək!
Cümşüd Aydəmirov,
Bakı 16.11.2021
Son xəbərlər
Ən çox oxunanlar
- Bu gün
- Bu həftə
- Bu ay
