Azərbaycanın görkəmli dövlət xadimi, Xalq Cümhuriyyətinin əsas liderlərindən biri Məhəmməd Əmin Rəsulzadənin barelyefi Kürdəmir rayonunda oğurlanıb.

Bizimyol.info xəbər verir ki, rayonun 1 may küçəsində yerləşən barelyefin naməlum şəxs tərəfindən oğurlandığı iddia olunub.

Məsələ ilə bağlı Daxili İşlər Nazirliyinin Mətbuat Xidmətinə informasiya sorğusu göndərilib.
Qeyd edək ki, bundan öncə də M.Ə.Rəsulzadənin Bakının Novxanı kəndində doğulub, boya-başa çatdığı evin qarşısındakı barelyefi oğurlanıb.