İyulun 24-də Azərbaycanda yeni növ koronavirus (COVID-19) infeksiyasına qarşı 55 min dozadan çox vaksin vurulub.

Nazirlər Kabineti yanında Operativ Qərargahdan AZƏRTAC-a bildiriblər ki, onlardan birinci mərhələ üzrə vaksinasiyadan keçənlərin sayı 17 min 785, ikinci mərhələ üzrə peyvənd olunanların sayı 37 min 501 nəfər olub.

Hazırkı dövrədək ölkəmizdə vurulan vaksin dozalarının ümumi sayı 4 milyon 516 min 987-ə bərabərdir. Birinci mərhələ üzrə vaksin vurduranların sayı 2 milyon 634 min 15, ikinci mərhələ üzrə peyvənd olunanların sayı 1 milyon 882 min 972 nəfərdir.