Xəbərlər
7.09.2026, 12:31
Əzizə Ağahüseynqızı : PAYIZIN İLK GÜNÜDÜR - FOTO
Yuxudan oyanmışam.
Ruhum payız qoxulu,
Şeirimə boyanmışam.
Meh əsir sərin- sərin,
Ağacları tərpədir,
Üzüqoylu tökülən
yarpaqlar nə körpədir!
Yayın həniri gedib,
Daha yay o yay deyil.
Günlər ömürdən gedir,
Ay da ki, o ay deyil.
Həsrətlə gözlədiyim,
Payız qapımı döyür.
Göydə qaralan bulud,
İndi yağacam-deyir.
Uşaqların sədası
daha gəlmir həyətdən.
Qaynarlıq ərşə çıxıb,
Üzgünəm o cəhətdən.
Ruhum bilmirəm nədən,
Geyinib qəm göynəyi.
Gözüm kimi qurumur,
Payızın nəm köynəyi.
Çalır sarı kamanın,
Təbiət əsib,coşur.
Həyətdəki çinarlar,
Təzə nəğmələr qoşur.
Quşların səsi gəlmir,
Durnalar köçüb gedir.
Leyləklər yuvasını,
Qanad çalıb tərk edir..
Gəlib payız toyları,
Gəlinlər sona olar.
"Payızda köçən qızlar,
Baharda ana olar"..
Vurğunam təbiətə,
Başdan - başa nəğmədir.
Sözlə dolan qəlbimi,
İlmə - ilmə tərpədir.
Əzizə, söz gülşənin,
Açıbdı sətir - sətir.
Şeirin müşkiənbər,
Qoxuyur, verir ətir.
02.09.2026
Son xəbərlər
Ən çox oxunanlar
- Bu gün
- Bu həftə
- Bu ay
