Xəbərlər
29.07.2026, 13:44
BİR QƏLƏMİM, BİR VARAĞİM, BİR DƏ MƏN... - FOTO
BİR QƏLƏMİM, BİR VARAĞİM, BİR DƏ MƏN...
Belə gəlib, belə gedir köçümüz,
Rənglər ilə dopdoludur içimiz,
Rədif qurub yazışırıq üçümüz,
Bir qələmim, bir varağım, bir də mən.
Sətir - sətir, heca - heca uçarıq,
Düymələnib, çiçəkləyib, açarıq,
Gah enərik, gah da göyü qucarıq,
Bir qələmim, bir varağım, bir də mən.
"Ruhani"nin pərdəsində yanarıq,
Bu dunyanın dərdlərini qanarıq,
Özümüzü necə xoşbəxt sanarıq !
Bir qələmim, bir varağım, bir də mən.
Cana yatmaz xəyallarda azmasa,
Zəfərimin müjdəsini yozmasa,
Çimir almaz duyduğunu yazmasa,
Bir qələmim, bir varağım, bir də mən.
Axşam, sabah dünya ilə öcündə,
Qanad çalar üc durnanın köçündə,
Yenilməyən bir ordunun gücündə,
Bir qələmim, bir varağım, bir də mən.
Vərəq səngər, qələm yaraq, söz kəsər,
Hər üçünün arzusudur bu zəfər,
Gendə durmaz, qisaslıdır hər nəfər,
Bir qələmim, bir varağım, bir də mən.
Sətir - sətir, kəlmə - kəlmə oxunduq,
Mizrab olub könüllərə toxunduq,
Ətir kimi, ciçək kimi qoxunduq,
Bir qələmim, bir varağım, bir də mən.
Hər bir kəsdən etibarı öndədi,
Mubtədası, şah pərdəsi məndədi,
Qar boranlı, çən, çisəkli gündədi,
Bir qələmim, bir varağım, bir de mən.
Bir bulaqdı, haqqdan gəlir, hey gəlir,
Misraları, rədifləri qəlb dəlir,
Elə yazır, kəlmə - kəlmə kövrəlir,
Bir qələmim, bir varağım, bir də mən.
Uzaq yolu gülə - gülə gəlmişik,
Əzizətək şirin dilə gəlmişik,
Söz yolunu müqəddəs yol bilmişik,
Bir qələmim, bir varağım, bir də mən.
05.11.2025
Son xəbərlər
Ən çox oxunanlar
- Bu gün
- Bu həftə
- Bu ay
