Sənubər Səhər

Və onları qoruyaq...
Özümüz də gözəllik yaradaq.
Yaşam səbəbimiz və ehtiyacımız budur. Gözəllik fərqli baxışlara və münasibətlərə dirənsə də, insanlığın varlığı hər an ondan asılıdır.
Dünyanın və yaşantıların bütün pisliklərini örtən məhz gözəllikdir. O isə duyğulardan başlayır.
Daim pisliklərdən danışan da var, daim gözəllikdən və yaxşılıqdan bəhs edən də. Amma hələ ki, dünyanın burulğanında gözəllik öndə dayanır.
Gözəl söz, gözəl fikir, gözəl baxış, gözəl iş, gözəl xəbərlər — həyatımızın işıqlı yoludur.
Qəlbin gözəlliyinin, sevincinin ən incə simvolu isə gülüşdür. Gülüş — füsunkar dayaqdır. O, bəzən gözəl görünməyən simaları belə işıqlandırır. Bu da dünyanın gizli sirrlərindən biridir.
Amma biz sirrlərə qapılmayaq. Gözəlliklərin təlatümünə qoşulaq.
Bunu bacaranlar mənə yaxındır. Sevdiyimiz insanlar yanımızda olmasa da, onları düşünək, xatırlayaq, onlardan danışaq. Bu, gözəlliyin qəlbimizə axan ehtişamıdır.
Heç kim bundan məhrum olmasın. Dünyadan köçənlərimizin ruhu da buna sevinir — buna inanıram.
Gözəlliyi görənlərin yanında olaq, görməyənləri isə gözəllik yağışında isladıq. Bunu bacaraq, öyrənək və həyata keçirək.
Pisliyə qarşı ən güclü cavabımız gözəl əməllərimiz, saf arzularımız və dualarımızdır.
İnamımız heç zaman bizi tərk etməsin. Onsuz yaşamaq bu dünyada ruhən ölü olmaq deməkdir.
Sevinc də, gözəllik də inamdan doğur. Sevinc isə gözəlliyi dərk etməyin ən saf halıdır.
Unutmayaq...