MİLLİ QEYRƏTLİ VƏTƏN OĞLU, DƏYƏRLİMİZ QABİL
ZİMİSTANOĞLU , DOĞUM GÜNÜNÜZ MÜBARƏK!
TƏBRİK EDİRƏM!

QABİL

Kamillik, müdriklik yağır üzündən,
Şəhdi- şəkər axır hər bir sözündən.
Gülüş əskilməsin gülər gözündən,
Olmasın heç zaman möhnətin,Qabil!

Gələndə dünyaya igid gəlmisən,
Böyüyün, kiçiyin yerin bilmisən.
Həmişə dostlarla deyib- gülmüsən,
Şirindi-şəkərdi söhbətin,Qabil!

Dəyərli dostlarla oturub- durdun,
Hər zaman layiqli məclislər qurdun.
Qayıdar Zəngəzur Göyçə tək yurdun ,
Görməyək bir daha xiffətin, Qabil!

Ələsgər, Alını öyrənib, andın,
Eldarı özünə sən ustad sandın.
Sədaqət etibar amalın, andın,
Dədələrdən qalıb hikmətin ,Qabil!

Kitab tərtib edib verdin ellərə ,
Ətrini bənzətdin çiçək- güllərə.
Dünyanı bəzəsin, düşsün dillərə,
Araşdırmaçı tək şöhrətin , Qabil!

Milli qeyrətinlə tanınır adın,
Əzizi olmusan qohumun, yadın.
Bütöv Azərbaycan arzu - muradın,
Hamıya bəllidir qeyrətin ,Qabil!

Səni təbrik edir ürəkdən dostlar .
Tanrımız eləsin səni bəxtiyar.
Zöhrənin də sənə xoş diləyi var ,
Yüz yaşa çatsın qoy qüdrətin, Qabıl!
Hörmətlə :
Zöhrə Qaraqızı