Ötən gün Qəbələ rayonunun Böyük Pirəli kəndində şəhid Vahabov Ramizin il dönümü qeyd olundu.

Tədbirdə Qəbələ TV-nin əməkdaşları, digər media nümayəndələri, şəhid ailələri, qazilər, ictimai birliklərin rəhbərləri, şəhidin təhsil aldığı məktəbin müəllim kollektivi, valideynləri, yaxınları, qohumları və kənd sakinləri iştirak etdilər.

Anım mərasimi çərçivəsində ilk olaraq şəhidin məzarı ziyarət olundu, məzarı üzərinə gül dəstələri qoyuldu və ruhuna dualar oxundu. Daha sonra tədbir zamanı şəhidin qəhrəmanlıq yolundan bəhs edildi. Çıxış üçün ilk söz şəhidin anasına verildi.

Şəhidin ailə üzvləri – anası, qardaşı və bacısı tədbir iştirakçılarına göstərilən diqqət və dəstəyə görə minnətdarlıqlarını bildirdilər.

Anım mərasimi daha sonra “Dadım-Duzum” restoranında verilən ehsan süfrəsi ilə davam etdirildi. Burada da şəhidin əziz xatirəsi yad edildi, ruhuna dualar oxundu.

Allah bütün şəhidlərimizə rəhmət eləsin, ruhları şad olsun.

Təranə Alməmmədova
Dünya Azərbaycanlıların Mədəniyyət Mərkəzi
İB Qəbələ rayon nümayəndəliyinin rəhbəri