Xəbərlər
11.02.2026, 02:52
SEVİNC YUNUSLU : Od içinə düşən könlüm axı üzərlik deyil.. - FOTO
Gəl sənə toxdaqdlıq verim şeirdir də oxuma..
Gözəl gözlüm, yaram çoxdur əllərinlə toxunma
Bağrımdakı köz izləri, qan ətri sənlik deyil..
Eh..nə deyim bu həyata heç könlün aldanmasın,
Götür göz yaşımı göydən..götür xətrin qalmasın.
Mənim tək Tanrı heç kəsi od ilə sınamasın
Od içinə düşən könlüm axı üzərlik deyil..
Hər çiynimə dəyən əli əynimə çuxa bildim,
Of!..nələr çıxdı qarşıma dağıdıb, yıxa bildim.
Nə sənə qovuşa bildim..nə səndən çıxa bildim..
Bənövşənin göz yaşına günah çəmənlik deyil.
Küləklərdir ağacların saçını yolub gedən
Mənəm bulud yaddaşına yağışlar dolub gedən.
Öz başıma deyiləm ki, hər şeyi alıb gedəm-
İndən belə sənsiz ömrü sürmək ta mənlik deyil..
Səndən ötürü alışan bu odda bir ürək var,
Tanrını, məni bir edən SƏN adda bir ürək var.
Əllərini uzat mənə, əllərinə gərək var -
Bu eşqdir, qurban olduğum, bu bir nəfərlik deyil..
Son xəbərlər
Ən çox oxunanlar
- Bu gün
- Bu həftə
- Bu ay
