Xəbərlər
14.09.2025, 22:23
BRİLYANT QURBANOVA : O dağların dərdi nədir? - FOTOLAR
O dağların dərdi nədir?
Yaman solub bər-bənizi,
O dağların dərdi nədir?
Ona qurban mən kənizi,
O dağların dərdi nədir?
Gözlərindən yaş axıdır,
Təpəsindən daş axıdır,
Xumarlanıb baş axıdır,
O dağların dərdi nədir?
Quzeyləri buz bağlayır
Güneyləri can dağlayır,
Qayaları yas saxlayır,
O dağların dərdi nədir?
Sığal çəkmir bəyaz telə,
Görünməyib belə hələ...
Dərd yüklənib şələ-şələ,
O dağların dərdi nədir?
Kəm taleyi yatıb bəlkə?..
Sirkələnə,dərdi tökə,
Qəmi ola tikə-tikə,
O dağların dərdi nədir?
Oturubdu çox yuvarlaq,
Kürəyimi görüb şallaq?
Öz yerini tapacaq Haqq...
O dağların dərdi nədir?
Sığal çəkmir boy-buxuna,
Qaranlıqdı sirr çoxuna...
Dəydimi namərd oxuna?
O dağların dərdi nədir?
Göyə baxdı, yerə baxdı,
Sinəsindən sellər axdı,
Gündüz gördüm... Gecə yoxdu?
O dağların dərdi nədir?
Sənə qurban olum, əmi,
Ya şairi, ya qələmi
Qarşılayıb o beləmi?..
O dağların dərdi nədir?
Yurd-yuvası tirə-tirə,
Onu vuran girsin yerə,
Yoxsa o da düşüb şərə?..
O dağların dərdi nədir?
İl istərəm ömrü çəkə,
Üstünə ay səkə-səkə,
Yalqız qalıb döşdə təkə,
O dağların dərdi nədir?
Ay bulannıq, ulduz şəffaf,
Ona yaxın görünür Qaf,
Bulaqları axmayır saf,
O dağların dərdi nədir?
Atəş sevmir dərdi, qəmi,
Yerindədi zili, bəmi,
Bəlkə istəyir "Dilqəmi"...
O dağların dərdi nədir?
Yaman solub bər-bənizi,
O dağların dərdi nədir?
Ona qurban mən kənizi,
O dağların dərdi nədir?
Gözlərindən yaş axıdır,
Təpəsindən daş axıdır,
Xumarlanıb baş axıdır,
O dağların dərdi nədir?
Quzeyləri buz bağlayır
Güneyləri can dağlayır,
Qayaları yas saxlayır,
O dağların dərdi nədir?
Sığal çəkmir bəyaz telə,
Görünməyib belə hələ...
Dərd yüklənib şələ-şələ,
O dağların dərdi nədir?
Kəm taleyi yatıb bəlkə?..
Sirkələnə,dərdi tökə,
Qəmi ola tikə-tikə,
O dağların dərdi nədir?
Oturubdu çox yuvarlaq,
Kürəyimi görüb şallaq?
Öz yerini tapacaq Haqq...
O dağların dərdi nədir?
Sığal çəkmir boy-buxuna,
Qaranlıqdı sirr çoxuna...
Dəydimi namərd oxuna?
O dağların dərdi nədir?
Göyə baxdı, yerə baxdı,
Sinəsindən sellər axdı,
Gündüz gördüm... Gecə yoxdu?
O dağların dərdi nədir?
Sənə qurban olum, əmi,
Ya şairi, ya qələmi
Qarşılayıb o beləmi?..
O dağların dərdi nədir?
Yurd-yuvası tirə-tirə,
Onu vuran girsin yerə,
Yoxsa o da düşüb şərə?..
O dağların dərdi nədir?
İl istərəm ömrü çəkə,
Üstünə ay səkə-səkə,
Yalqız qalıb döşdə təkə,
O dağların dərdi nədir?
Ay bulannıq, ulduz şəffaf,
Ona yaxın görünür Qaf,
Bulaqları axmayır saf,
O dağların dərdi nədir?
Atəş sevmir dərdi, qəmi,
Yerindədi zili, bəmi,
Bəlkə istəyir "Dilqəmi"...
O dağların dərdi nədir?
13.09.2025.
Son xəbərlər
Ən çox oxunanlar
- Bu gün
- Bu həftə
- Bu ay
