İsrail aviasiyası Yəməndə şiə hərbi-siyasi hərəkatı Ənsar Allah (Husi) tərəfindən nəzarət edilən üç limana zərbələr endirməyə başlayıb.

"Turaztv.az" "Unikal"-a istinadən xəbər verir ki, bu barədə “Al Arabiya” telekanalı məlumat yayıb.


Məlumata görə, İsrail aviasiyası Əl-Hodeyda əyalətinin Hudeyda, Ras İsa və Əs-Salif limanlarına hücum edib. Husilərin rəhbərlik etdiyi hökumətin Daxili İşlər Nazirliyi İsrail qüvvələrinin bölgəyə zərbələr endirdiyini təsdiqləyib.

Bundan əvvəl İsrail ordusu Yəmənin 3 limanından insanları təxliyə etməyə çağırıb. Sözügedən limanlar Hodeyda, əl-Salif və Ras İsa limanları olub.