Ukrayna və ABŞ nadir torpaq mineralları üzrə sazişi imzalamağa doğru irəliləyir. Kiyev bunu mümkün qədər tez imzalamaq istəyir.

"Turaztv.az" “Report”-a istinadən xəbər verir ki, bunu “X” sosial şəbəkəsində Ukrayna Xarici İşlər Nazirliyinin sözçüsü Georgi Tıxin bildirib.

O, Kiyevin sazişin imzalanmasında maraqlı olduğunu vurğulayıb: “Müqaviləni təsdiqləmək üçün hər iki tərəf üçün məqbul və faydalı olan şərtlər, eləcə də təfərrüatlar üzrə razılaşma lazımdır. Sənəd üzərində işləyən hər iki tərəfin komandaları müəyyən irəliləyiş əldə ediblər. O cümlədən, niyyət memorandumu imzalanıb. Müqavilə üzərində iş hər gün davam edir”.