Türkiyədə iki həftə əvvəl bıçaqlanan məşhur italyan aşpazın oğlu Mattia Minquzzi dünyasını dəyişib.

"Turaztv.az" "Unikal"-a istinadən xəbər verir ki, o, yaralı halda yerləşdirildiyi xəstəxanda vəfat edib.

14 yaşlı yeniyetmə bu gün səhər saatlarında dünyasını dəyişib. Həkimlər iki gün əvvəl oğlana beyin ölümü diaqnozu qoyublar.

Nəşrin məlumatına görə, 15 yaşlı türk yeniyetməyə vəhşicəsinə hücumun dəqiq səbəbləri hələlik müəyyən edilməyib. Bıçaqlı şəxslər Minquzziyə 5 bıçaq zərbəsi vurublar. Onlar daha sonra yeniyetməni təpikləyiblər. Hadisə Kadıköydə bazarda baş verib. İddialara görə, əlində bıçaq olan 2 nəfər Mattiaya yaxınlaşaraq onun çox yaraşıqlı olduğunu və dostluq etmək istədiyini deyib. Mattia "Bağışlayın" deyib uzaqlaşmaq istəyərkən həmin şəxslər yeniyetməni bıçaqlayıb.

Türkiyə polisi iki hücumçunu saxlayıb və onlar həbs edilib. İtaliya polisi və diplomatlar istintaqa qoşulub.